Сурет: avatars.mds.yandex.net
Физикалық белсенділіктің варикоздың алдын алуда ғана емес, сондай-ақ тамырлар кеңейіп, шығып кеткен кезде де пайдасы көп. Варикозы бар ер-азаматтарға да, әйелдерге де тиімділігі жоғары жаттығулар жетерлік. Сіздерге соның бірнешеуін ұсынамыз.
Варикоз – қарапайым тілмен айтқанда, тері асты тамырларының кеңеюі. Жалпы тамырдың кеңеюінің үш түрі бар.
- Бірінші түрінде аяқта көкшілдеу келген тамырлардың ісінуі анық көрінеді. Дегенмен, аяқ ісіп кетпейді жəне ауырмайды.
- Варикоздың үшінші кезеңі күрделірек болып келеді. Кеңейген тамырдың түсі қарайып, аяқтардың ісінгені анық байқалады.
- Варикоздың екінші түрінде тамырлар анық көрінуімен қатар ауырғанын сездіреді. Əсіресе, кешқұрым уақыттарда аяқ ісініп, қолайсыздықтар туғызып жатады.
Төмендегі жаттығулар қауіпсіз саналады, дегенмен варикоздың күрделі түріне шалдыққандар дәрігермен бір кеңесіп алғаны дұрыс.
Сан бұлшықетін жаттықтыру
- Орындықтың арқасынан ұстап тұрыңыз
- Әр аяққа 10-15 реттен жасау керек.
- Бір аяқ тіке қалпында қалып, екіншісін тізеден бүгіп, өкшеңізді бөксеңізге тигізіңіз. Аяқты бастапқы қалпына келтіріңіз. Келесі аяққа ауысыңыз.
Өкшені көтереміз
- Орындықтың арқалығын ұстап тұрыңыз. Аяқты тік ұстап, арасын 15см шамасында ашыңыз.
- 15-20 мәрте қайталау керек.
- Өкшені көтеріп, аяқтың ұшымен тұрыңыз. Жаймен түсіріп бастапқы қалыпқа келіңіз.
Аяқты сілкілеу
- Өзіңізге ыңғайлы жерге тіке тұрыңыз. Жаттығуды жасаған кезде де иілмеңіз.
- Әр аяққа 10 мәртеден жасаңыз.
- Аяғыңызды шетке қарай созып, аяқтың ұшын өзіңізге қарата көтеріңіз. Өкше еденде тұрсын. 5 секунд осы қалыпта тұрып, кейін аяқты бастапқы қалпына келтіріңіз.
Отырып-тұру
- Жақсы бір затты тірек етіп тұрыңыз (орындық, үстел). 15-30 см арақашықтық ұстаңыз.
- Жаттығу жасағанда арқаңыздың тік тұрғанын қадағалаңыз.
- Аяқты иықтың деңгейіне ұстаңыз. Жаймен тізені бүгіп жартылай отырыңыз. Қайта қалыпқа келіңіз.
Табанды айналдыру
- Үстелге немесе кереуетке отырыңыз.
- Кейін екінші аяққа ауысыңыз.
- Бір аяқты көтеріп тұрып 10 мәрте табанды айналдырыңыз: алдымен сағат тілімен, кейін кері қарай.
Өкше мен аяқ саусақтарын көтеру
- Орындыққа отырып, табанды еденге толықтай басыңыз.
- Жаттығуды 10 мәрте қайталаңыз.
- Екі аяқтың саусақтарын өзіңізге қарата бірдей көтеріңіз, өкшеңіз еденде тұрсын.
- Кейін саусақтарды түсіріп, өкшені көтеріңіз.
Аяқты көтеру
- Орындыққа отырып, табаныңызды еденге тіреңіз.
- Жаттығуды әр аяққа 10 реттен қайталаңыз.
- Жаймен бір аяқты көтеріп, тіке созыңыз. Тура осы қалыпта 2-3 секунд ұстап аяқты түсіріңіз.
Орындықта отырып жүру
- Орындыққа отырып, тіреуіші болса қолды сүйеңіз, болмаса орындық жиегінен ұстап алыңыз.
- Жүріп келе жатқан секілді аяқты кезек-кезек көтеріңіз. Аяқты көтеріп түсіргенде артық, оқыс қимыл жасамаңыз. Өте мұқият, баяу 10-15 мәрте істеңіз.
Бұл жаттығулардың жасалуы оңай. Дегенмен мұқият болу қажет.
Дайындаған: Э. Базарбаева,
ОҚИ ОТЫРЫҢЫЗ:
ҚАБЫРҒА сынғанда "ШЕЛЕКТІҢ БАУЫ" тез қалпына келтіреді
