Екі жауырын ортасы ауырса, "МЫСЫҚ ПЕН СИЫР" көмектеседі

20.02.2026 21:50

502

Сурет: cdn.images.express.co.uk

Күні бойы арқалаған ауыр жүк, жауапкершілік, ыңғайсыз отыру, тіктелген еңсе – бәрі жиылып жауырынды шаршатады. Күнұзаққа сыр бермей шыдағанмен, кешке қарай көп адамның екі жауырынының арасы шаншып ауырады. Көбінесе күні бойы отырып жұмыс істегеннен кейін пайда болады. Әсіресе қолдарыңыз алға созулы күйде болса, жағдай тіпті қиындай түседі. Компьютерде жұмыс істедіңіз бе, маникюр жасадыңыз ба, руль ұстадыңыз ба немесе фортепианода ойнадыңыз ба – бәрібір. Дене бұл қалыпты тұрақсыз деп қабылдап, тепе-теңдікті сақтау және құлап кетпеу үшін бұлшықеттерді кернеуде ұстайды.

Егер күні бойы белсенді қозғалғаныңызға қарамастан, жауырын арасы бәрібір ауырса, ішіңізге назар аударыңыз. Егер ішіңізді тартып жүрген болсаңыз, жайсыздықтың себебі осы. Іштің тік бұлшықеті шамамен 5-қабырға тұсына бекінеді. Оның тыныс алу кезіндегі табиғи қозғалысын әдейі шектегенде, жамбас түбіне артық қысым түседі. Бұлшықеттер қайтадан шамадан тыс керіліп, еңкіштік пайда болады да, жауырын арасы зардап шегеді.

Не істеуге болмайды?

Әдетте, арқа ауырса, ондағы бұлшықеттер әлсіз деп ойлаймыз. Сондықтан оларды күшейту керек сияқты көрінеді. Бірақ бұл – қате түсінік.

Екі жауырын арасы ауырған кезде жасауға болмайтын жаттығулар:

тартылу жаттығулары
ауыр көтеру жаттығулары
планка
бұралу жаттығулары

Қандай жаттығу көмектеседі?

Ең алдымен, жауырын аймағындағы жүйке талшықтарын босаңсытып, өткір ауырсынуды басу керек. Бұл үшін неврологиялық жаттығулар өте тиімді, олар бүкіл жүйке жүйесіне әсер етіп, кернеуді азайтады.

Ішті бос ұстау қажет. Тыныс алу мен жамбас түбімен жұмыс диафрагмадағы түйілуді азайтып, қабырғалардың қозғалысын қалпына келтіреді. Сол кезде кеуде бөлігіндегі омыртқада бірден жеңілдік сезіледі.

Омыртқаның икемділігін дамыту маңызды. Омыртқа қозғалмалы болып, омыртқааралық дискілер жеткілікті ылғалмен қамтамасыз етілсе, ауырсыну ықтималдығы айтарлықтай төмендейді. Дене қалпы түзеліп, жүктеме біркелкі таралады.