Бұл йога позасы 100 рет отырып-тұрғаннан да тиімді

Сырт көзге йога өте жеңіл, тіпті релаксация сияқты көрінуі мүмкін. Бірақ шын мәнінде, бұл қате пікір. Көптеген асаналар қарқындылығы жағынан ең күрделі жаттығулардан кем түспейді және дене бұлшықеттерін күшейтуге көмектеседі.

Бүгін біз ерекше тиімді бір поза жайлы айтып береміз. Ғылыми зерттеулер мен сарапшылардың айтуынша, ол іш бұлшықеттерін қатайтып, күйзелісті азайтады және зейінді арттырады.

«Навасана» немесе «қайық позасы» – іш пен жамбас бұлшықеттеріне арналған ең жақсы жаттығулардың бірі. Пайдасы:

• іштегі майды кетіреді
• күйзеліс гормоны – кортизол деңгейін төмендетуге көмектеседі
• асқорыту органдарына оң әсер етеді
• дененің негізгі бөлігін, сонымен қатар арқа мен қол және жамбасты да күшейтеді.
• психологиялық тұрғыда сенімділік пен сабырлылықты арттырады
• ерік-жігерді шынықтырады

Танымал йога нұсқаушысы Шарат Джойстың айтуынша, дұрыс орындалған навасанада 25 терең тыныс алу 100 рет отырып-тұрғанмен бірдей әсер береді.

Жаңадан бастағандарға бұл қалыпты бес тыныс алғанға дейін ұстауды, ара-арасында қысқа үзілістермен демалып тұруды ұсынады.

Қалай орындау керек?

• Кілемшеге немесе еденге отырып, аяқтарыңды алға соз.
• Тізелеріңді сәл бүгіп, аяқтарыңды көтеріп, оларды мүмкіндігінше түзу ұстауға тырыс.
• Денеңнің жоғарғы бөлігін сәл артқа шалқайтып, арқаңды тік ұста. Мойын омыртқамен бір сызықта болуы керек. Іш бұлшықеттері тартылып, жұмыс істеп тұруы тиіс.
• Қолдарыңды алға созып, сәл жоғарыға қара.
• Дайындық деңгейіне қарай аяқтарыңды бүгіп орындауға болады (жеңіл нұсқа), не түзу ұстап, күрделі нұсқасын таңдауға болады.
• Осы қалыпта 5–10 рет терең тыныс алғанша тұрып көр, содан кейін аяқтарыңды бүгіп, табаныңды жерге қойып, сәл демал.
• Жаттығуды 3–5 рет қайтала.

Аударған: А. Керім Бек,

ERNUR.KZ

ОҚИ ОТЫРЫҢЫЗ:

Азу емес, толу арман... Ол үшін жаттығуды қалай жасау керек?