Қазақстанда 30 градусқа дейін ыстық болады

Болжамға сәйкес, Қазақстанның басым бөлігінде ауқымды антициклон әсерінен жауын-шашынсыз ауа райы сақталады.

"Тек еліміздің батысында жаңбыр жауып, найзағай ойнауы мүмкін, 28 наурызда Маңғыстау облысында нөсер жауады деп болжанған. Сондай-ақ 26 наурызда Солтүстік Қазақстан облысында, 27-28 наурызда Шығыс Қазақстан облысында жауын-шашын (жаңбыр, қар) күтіледі", - деді синоптиктер.

Қазақстан бойынша тұман түсіп, солтүстікте және шығыста көктайғақ болады.

Ауа температурасының көтерілуі күтіледі:

• күндіз батыста және солтүстік-батыста — +15…+25-ке дейін;
• солтүстікте және шығыста — +10…+17-ге дейін;
• орталықта — +13…+24-ке дейін;
• оңтүстікте — +21…+30-ға дейін;
• оңтүстік-шығыста — +18…+27-ге дейін;
• таулы аймақтарда — +10…+15-ке дейін.