Депутат бағалау тәсілін құндылыққа, жеке даму прогресіне бағыттауды қолға алу қажеттігін айтты.
фото: Sputnik / Alexandr Kryazhev
ERNUR.KZ. Депутат Қайрат Балабиев мектепте бөлім жиынтық бағалау (БЖБ) мен тоқсандық жиынтық бағалау (ТЖБ) жүйесін алып тастауды ұсынды, деп жазады sputnik.kz.
Мәжілістің отырысында Балабиев үкіметке депутаттық сауал жолдап, жоғары сыныптарда мамандығына байланысты кәсіби бағдарды күшейту қажеттігін жеткізді. Әсіресе, қазақ тілі, қазақ әдебиеті, алгебра, геометрия, физика, химия, биология, тарих, құқық негіздері, шет тілдерін тереңдетіп оқыту жүйесін жетілдіру керек.
"Оқушылардың оқу жетістіктерін бағалаудың бөлім жиынтық бағалау, тоқсандық жиынтық бағалау секілді формалды жүйелерді білім үдерісінен алып тастауды және бағалау тәсілін құндылыққа, жеке даму прогресіне бағыттауды қолға алу қажет", - деді Балабиев.
Оның айтуынша, бақшалардан бастап барлық орта мектеп бағдарламасына еңбекке баулу, шығармашылыққа үйрету және тұлғалық дамуға бағытталған бірыңғай әдістемені енгізген жөн.
![](/assets/thumbnails/a9/a9c0e80a4a173ecd044741471a7f10a4.png ""Алты жасар ұлым "ұры" атанды"")
![](/assets/thumbnails/c2/c28d09d6e2b3081efdf93f257f6c86a2.jpg ""Маған масыл болма, жұмыс істе!": жалғызбасты ана әкесінің берген өмірлік кеңесін бөлісті")
