Бекежан Жәкеев “Қазпошта“ басшысы болды

0
193

Бұған дейін бұл лауазымды 2022 жылғы қазаннан бастап Асел Жанасова атқарған болатын.


Бекежан Жәкеев “Қазпошта“ басшысы болды

Бекежан Жакеев. Фото: igtipc.org

ERNUR.KZ. Бекежан Жәкеев "Қазпошта" басшысы болды, деп жазады tengrinews.kz.

Бұған дейін бұл лауазымды 2022 жылғы қазаннан бастап Асел Жанасова атқарған болатын. Биылғы 8 маусымда ол Президент кеңесшісі қызметіне тағайындалды.

Айта кетейік, осы тағайындауға дейін, 2024 жылғы қыркүйектен бастап Бекежан Жәкеев "Халықаралық жасыл технологиялар және инвестициялық жобалар орталығы" ҰАО басқарма төрағасының орынбасары қызметін атқарған.

Бекежан Жәкеев 1982 жылы Жезқазғанда дүниеге келген. "Әділет" құқық жоғары мектебі – Юриспруденция академиясын "құқықтану" мамандығы бойынша, сондай-ақ Еуразия гуманитарлық институтын "экономика және бизнес бакалавры" мамандығы бойынша бітірген.

Еңбек өтілі 22 жыл, соның ішінде 10 жыл – басшылық қызметтерде. Еңбек жолын 2002 жылы "Астық лизингтік компаниясы" ЖШС-де менеджер болып бастаған.