Фото: instagram.com/sukyeol.yoon
ERNUR.KZ. Оңтүстік Кореяның арнайы прокуратурасы 2024 жылы әскери жағдай енгізу әрекетіне қатысты іс бойынша елдің бұрынғы президенті Юн Сок Ёльді өлім жазасына кесуді талап етті, - деп жазады Tengrinews.kz.
Не болды?
Тиісті өтініш Сеул Жоғарғы сотында бүлік ұйымдастыру ісі бойынша апелляцияны қарау барысында мәлімделді. Арнайы прокуратура өкілдері мемлекеттің бұрынғы басшысы үшін өмір бойына бас бостандығынан айыру жазасын тым жеңіл деп санайтындарын жеткізді.
Сонымен қатар айыптау тарапы бұрынғы әскери қолбасшы Но Сан Вонның жазбаларын айғақ ретінде танудан бас тартқан бірінші сатыдағы соттың шешімімен келіспеді. Тергеу нұсқасы бойынша, бұл материалдар әскери жағдайды енгізуге дайындық жүргізілгенін растайды.
