Непалда су тасқынынан қаза тапқандар саны 95 адамға жетті

0
99

Жоғалғандардың арасында 391 шетелдік турист және 93 непалдық азамат бар.


Непалда су тасқынынан қаза тапқандар саны 95 адамға жетті

Фото: Анадолы

ERNUR.KZ. Сәрсенбіде Непалдың солтүстігінде болған су тасқынынан кем дегенде 95 адам қаза тауып, тағы 484 адам із-түзсіз жоғалды, деп жазады inform.kz.

Ведомство мәлімдемесіне сәйкес, жоғалғандардың арасында 391 шетелдік турист және 93 непалдық азамат бар. Непал туризм кеңесінің мәліметінше, із-түзсіз жоғалған шетелдіктердің арасында Үндістанның 134, АҚШ-тың 47, Ұлыбританияның 33 және Аустралияның 34 азаматы бар.

Бұған дейін Багмати провинциясы полициясының ресми өкілі Раджендра Прасад Дхамала қауіпсіздік күштері зардап шеккен аудандардан 88 адамды құтқарғанын хабарлады.

Непал премьер-министрі Балендра Шах құтқару жұмыстары мен зардап шеккендерге көмек көрсету шараларын талқылау үшін үкіметтің шұғыл отырысын өткізді.

Ақпаратты Kazinform үшін арнайы Синьхуа серіктес агенттігі ұсынған.

Осыған дейін Непал-Қытай шекарасында су тасқынынан кейін жүздеген турист із-түзсіз жоғалғанын жаздық.

Қазақстанның Сыртқы істер министрлігі Непал мен Қытай шекарасы аумағында болған су тасқыны салдарынан зардап шеккендер мен хабар-ошарсыз кеткендер арасында Қазақстан азаматтары жоқ екенін мәлімдеді.