Непал-Қытай шекарасында су тасқынынан кейін жүздеген турист із-түзсіз жоғалды

0
108

Шекара өткелімен жол қатынасы үзілді.


Непал-Қытай шекарасында су тасқынынан кейін жүздеген турист із-түзсіз жоғалды

Фото: NDTV

ERNUR.KZ. Кенеттен болған су тасқыны Непал-Қытай шекарасына жақын жерде көшкін тудырып, салдарынан жүздеген турист із-түзсіз жоғалып кетті, деп жазады inform.kz.

Апат салдарынан Қытай жағындағы портқа апаратын жолдарды жабылып, байланыс пен электр қуатымен қамтамасыз ету желісі бұзылды.

Шекара өткелімен жол қатынасы үзілді.

Непал полициясы кем дегенде 17 адамның қаза тапқанын хабарлады.

Елдің туризм басқармасының мәлімдеуінше, кем дегенде 400 саяхатшы із-түзсіз жоғалды, олардың арасында шетелдік азаматтар бар.

Бұдан басқа, су тасқыны салдарынан Непалдың солтүстігінде салынып жатқан гидроэнергетикалық жобаның 60 жұмысшысы із-түзсіз жоғалды.

Xinhua хабарлауынша, ҚХР төрағасы Си Цзиньпин Непалдағы көшкіннен кейін жоғалып кеткен адамдарды іздеу және құтқару үшін барлық күш-жігерді салуды тапсырды.

Ол Қытай қазіргі уақытта су тасқынын бақылаудың маңызды кезеңінде екенін атап өтіп, жергілікті билік органдары мен тиісті мекемелерді ең нашар сценарийлер мен төтенше жағдайларға дайындалуға, су тасқыны мен тайфунның алдын алу шараларын толық жүзеге асыруға және ықтимал тәуекелдер мен қауіптерді анықтау мен азайтуды күшейтуге шақырды.