Ауқымды спорттық додаға еліміздің 16 өңірінен командалар қатысып, өзара бақ сынасты.
Астанада өткен республикалық турнирде Түркістан облысы жеңіске жетті, деп хабарлайды ERNUR.KZ.
Астана қаласында 16-20 сәуір күндері Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитетінің ұйымдастыруымен коммуналдық сала қызметкерлері арасында футзалдан «Қазақстанның коммуналдық қызметкерлері кубогі – 2026» республикалық турнирі өтті.
Ауқымды спорттық додаға еліміздің 16 өңірінен командалар қатысып, өзара бақ сынасты. Тартысты өткен кездесулер қорытындысы бойынша жоғары деңгейдегі ойын өрнегін көрсеткен Түркістан облысының құрамасы жеңімпаз атанып, жүлделі І орынды иеленді.
Аталған турнир коммуналдық сала қызметкерлері арасында салауатты өмір салтын насихаттауға, сондай-ақ өңіраралық әріптестік пен ынтымақтастықты нығайтуға бағытталған маңызды спорттық алаң болды.
