Қазақстандық спортшы Оңтүстік Корея өкілімен финалда кездесті.
Сурет: Никита Босов/ҰОК
ERNUR.KZ. Қытайдың Санья қаласында өтіп жатқан 2026 жылғы Азия жағажай ойындарында джиу-джитсудан Қазақстан құрамасының өкілі Нұржан Батырбеков жеңімпаз атанды, деп жазады BAQ.KZ.
Ол 69 келіге дейінгі салмақ дәрежесінде алтын жүлдеге ие болды. Финалда Батырбеков Оңтүстік Корея спортшысы Ли Джэёнмен кездесіп, 2:0 есебімен жеңіске жетті.
Айта кетейік, осы салмақ дәрежесінде Алинұр Қуатұлы қола жүлдегер атанды.
Осылайша, Қазақстан құрамасының қоржынында үш медаль бар. Бұған дейін джиу-джитсушы Батыр Теңізбай (62 келіге дейін) қола жүлде алған еді.
