Шымкенттік үздік студенттер Ақмола облысында өтіп жатқан республикалық шараға қатысуда

23.07.2025 15:27

138

Слеттің негізгі мақсаты — жұмысшы мамандықтардың қоғамдағы беделін арттыру, жастардың көшбасшылық қабілеттері мен кәсіби дағдыларын дамыту.

2025 жылғы 21–23 шілде аралығында Ақмола облысындағы «Балдәурен» оқу-сауықтыру орталығының филиалында техникалық және кәсіптік білім беру ұйымдары студенттерінің республикалық слеті өтуде.

Қазақстан Республикасы Оқу-ағарту министрлігінің бастамасымен, “Жұмысшы мамандықтар” жылы аясында ұйымдастырылған шараға Шымкент қаласы білім басқармасына қарасты техникалық және кәсіптік білім беру ұйымдарының үздік 5 студенті қатысып, өңір намысын қорғап жатыр. Олар түрлі форматтағы белсенді жұмыстарда жоғары нәтижелер көрсетіп, өз білімдері мен тәжірибелерін арттыруда.

Іс-шара барысында:

- еңбек нарығындағы өзекті мәселелер талқыланды,

- мансаптық өсу мен кәсіптік бағдар берудің жаңа мүмкіндіктері ұсынылды,

- мотивациялық кездесулер, шеберлік сабақтар, тәжірибелік сессиялар мен командалық белсенділіктер ұйымдастырылды.

Бұл – жастар үшін үлкен тәжірибе алаңы әрі келешек жұмысшы мамандардың кәсіби және тұлғалық дамуына жол ашатын маңызды мүмкіндік.