ШЫМКЕНТ: Қайтарымсыз гранттар алудың бірінші легі басталды

31.03.2022 08:48

1 329

Грант мөлшері - 400 АЕК ( 1 225 200 тг дейін) құрайды.

Шымкент қаласында ұлттық жоба шеңберіндегі қайтарымсыз грантқа өтініш берудің бірінші легі басталды, деп хабарлайды ERNUR.KZ

Өтінім биылғы жылдың 1 сәуірінен бастап қабылданады.

Өтінім беруге 2019-2021 жыл аралығындағы «Бизнес бастау» оқу курсынан сертификат алған азаматтар қатыса алады. Сондай-ақ, өтінімді қабылдау «Business.enbek.kz» порталында онлайн түрде цифрлық қолтаңба (ЭЦП) сатысында жүзеге асады. Грант мөлшері - 400 АЕК ( 1 225 200 тг дейін) құрайды.

Гранттың I -ші легіне төмендегі санаттағы жұмыссыз азаматтар өтінім бере алады:

- жеке кәсіпкерлер (мерзімі бір жылдан кем);

- жеке қосалқы шаруашылықпен айналысатын тұлғалар;

- атаулы әлеуметтік көмек алушылар;

- көп балалы отбасы мүшелері;

- қандастар, қоныс аударғандар;

- мүгедек баланы (мүгедек балаларды) тәрбиелеушіге берілетін жәрдемақыны алатын адамдар және (немесе) мүгедектер;

- жұмыссыз жастар (29 жасқа дейін) қатыса алады.

Айта кетейік, өзгерістерге байланысты, "Бастау Бизнес" жобасы бойынша оқыту курстары уақытша тоқтатылды. Курс жөнінде толық ақпарат халықты жұмыспен қамту орталығының ресми парақшаларына жарияланады.