Өкпенің эхинококкозы – эхинококк таспа құртының дернәсілі арқылы дамитын паразиттік ауру. Ол өкпе тінінде кисталардың түзілуімен сипатталады және кеуде ауырсынуы, ентігу, ұзақ жөтел, есекжем тәрізді бөртпе мен қышыну белгілерімен көрінеді. Асқынған жағдайда қақырықта қан немесе ірің пайда болып, тыныс алу қиынға соғып, ауыр аллергиялық реакциялар тудыруы мүмкін.
Адам көбіне жануарлармен байланыс кезінде немесе жуылмаған тағам мен су арқылы жұғады, сирек ауа арқылы шаң жұту арқылы да жұғуы мүмкін. Паразит кистаны өсіріп, сұйықтыққа толы көпіршіктер түзеді, бұл киста жылдар бойы ұлғайып, өкпе тінін сығып, тыныс алу мен иммундық реакцияларға әсер етеді.
Ауру кейде симптомсыз, кейде жеңіл белгілермен, ал кейде ауыр асқынулармен өтеді. Кистаның жарылуы бронхқа, плевраға немесе перикардқа таралып, өмірге қауіп төндіруі мүмкін.
Диагностика рентген, КТ, қақырық микроскопиясы және қанның серологиялық талдауы арқылы жүргізіледі. Емдеудің негізгі жолы – хирургиялық алып тастау, кейде өкпенің резекциясы немесе лобэктомия және антипаразитарлық препараттарды қолдану.
Уақытылы емделгенде болжам қолайлы. Алдын алу үшін жеке гигиенаны сақтау, үй жануарларын дегельминтизациялау, мал сою және санитарлық ережелерді орындау маңызды.
Балалар хирургы, ОДКБ Турегельдиев М. С.
![](/assets/thumbnails/a0/a067f5cbc930b2cf75ec832827742750.jpg ""Өмір сүруді балалардан үйренейікші"")
