Зерттелетін ақпарат көлемі өте үлкен – шамамен 3 миллион хабарлама бар, және олар фрагментарлы.
Фото: unsplash
ERNUR.KZ. Бас прокурордың орынбасары Ерлан Өтегенов Сенат кулуарында мәлім еткендей, Мәжіліс депутаттарының сұрауы бойынша Қазақстан шенеуніктерінің "Эпштейн ісіне" ықтимал қатыстылығы тексерілуде, деп жазады zakon.kz.
Спикердің айтуынша, зерттелетін ақпарат көлемі өте үлкен – шамамен 3 миллион хабарлама бар, және олар фрагментарлы.
"Қазір біз деректерді толықтай қарап, Қазақстан азаматтарының қай жерде көрсетілгенін және жалпы ел туралы қай жерде айтылғанын анықтап жатырмыз", – деді Ерлан Үтегенов.
Журналистер тексерудің қанша уақытқа созылатынын және шенеуніктердің қатысы бар-жоғын сұрағанда, Бас прокурордың орынбасары жұмыстың әлі жалғасып жатқанын атап өтті. Оның сөзінше, ақпарат көлемі өте көп болғандықтан, әр дерек мұқият талданып, шындыққа сәйкестігі тексерілуі қажет.
Еске салсақ, 2026 жылғы 25 ақпанда Мәжіліс депутаттары арнайы қызметтерден "Эпштейн тізімінде" көрсетілген барлық қазақстандық шенеуніктерді тексеруді сұраған болатын.
