Қазақстандағы алғашқы АЭС "Балқаш" деп аталады

Конкурс комиссиясы анықтағандай, "Балқаш" атом электр станциясы" атауы азаматтардан ең көп ұсынылған нұсқа болған. Бұл атау атом электр станцияларын географиялық белгі бойынша атау жөніндегі халықаралық тәжірибеге де сәйкес келеді, дейді агенттіктегілер.

Еске салайық, 25 қыркүйекте АЭС атауына байқау жарияланған болатын. Нысанға арналған атаулардың нұсқасы 10 қазанға дейін қабылданды. Байқауға 27 мыңнан астам өтінім түскен.

Конкурсқа 16 жастан асқан 27 157 Қазақстан азаматы қатысқан. Әр қатысушыда бір ғана атау ұсыну мүмкіндігі болды.

Түскен барлық өтінімдерден 10 460 бірегей нұсқа анықталды. Өңдеу барысында кириллица, латын әрпі және мағыналас сөздер сияқты жазудың түрлі формалары да ескерілді.

"Конкурс комиссиясының отырысында ең танымал 100 атау қаралды. "Балқаш" атом электр станциясы" атауын 882 азамат ұсынды және ол танымалдығы бойынша қорытынды рейтингте бірінші орын алып, конкурс жеңімпазы атанды", - деп жазылған хабарламада.

Сонымен бірге конкурс комиссиясы нысанның орыс және ағылшын тілдеріндегі атауларын анықтады:

Қазақстандағы алғашқы атом электр станциясын ресейлік "Росатом" корпорациясы жетекшілік ететін халықаралық консорциум салады.