Миссияны Достастық бас хатшысының бірінші орынбасары Игорь Петришенко басқарады.
фото: Sputnik / Светлана Шевченко
ERNUR.KZ. ТМД бақылаушылар миссиясының штабы Қазақстанның жаңа Конституциясы бойынша референдумда бақылау жүргізеді. Миссияны Достастық бас хатшысының бірінші орынбасары Игорь Петришенко басқарады, деп жазады sputnik.kz.
Оның кандидатурасы Минскіде ТМД-ның жарғылық және басқа органдары жанындағы Достастыққа қатысушы мемлекеттердің тұрақты өкілетті өкілдері кеңесінің отырысында келісілді.
"ТМД-дан қатысатын бақылаушылар миссиясының жұмысы алдыңғы науқандардағы сияқты саяси бейтараптық, сайлау процесіне және мемлекеттің ішкі істеріне араласпай, қатаң түрде Қазақстан заңнамасына сәйкес құрылады", - деп хабарлады ТМД атқарушы комитетінде.
Отырыс алдында Петришенко журналистерге 24 ақпанда Қазақстанда миссия штабы ашылатынын және ТМД бақылаушылары референдум өткізуді бақылау бойынша жұмысқа кірісетінін айтты.
Бұған дейін орталық сайлау комиссиясы референдумның нәтижелері 21 наурыздан кешіктірілмей жарияланатынын хабарлаған болатын.
