"Қазақстан халқына" қоғамдық қоры жаңа оқу жылына 500 грант бөлді.
фото: Пресс-служба в/ч 5571 Регионального командования “Оңтүстік” Нацгвардии РК, сайт Polisia.kz
ERNUR.KZ. Қаңтар оқиғасы кезінде ата-анасынан айырылған және жарақат алған балалар тегін оқиды, деп жазады sputnik.kz.
"2025-2026 оқу жылында "Қазақстан халқына" қоғамдық қоры "Қазақстан халқына" ҚҚ Білім беру гранттары" қайырымдылық бағдарламасы аясында талапкерлерге жоғары оқу орындарында оқуға 500 білім беру грантын бөлді", - деп жазылған хабарламада.
Бағдарлама шарты негізінде білім беру грантына мынадай санаттағы талапкерлер үміткер бола алады:
ауылдық жерлердегі, шағын және моноқалалардағы тұрмысы төмен отбасылардан шыққан балалар;
жетім балалар немесе кәмелетке толғанға дейін ата-анасының қамқорлығынсыз қалғандар;
мүгедектігі бар азаматтар;
мүгедек балаларды тәрбиелеп отырған отбасылардан шыққан балалар;
2022 жылғы қайғылы қаңтар оқиғалары кезінде қаза тапқан Қазақстан Республикасы азаматтарының балалары;
2022 жылғы қайғылы қаңтар оқиғалары кезінде жарақат алған балалар.
Айта кетейік, бағдарламаға қатысудың шекті жасы толық 29 жасты құрайды.
Білім беру гранты бір реттік тәртіппен атаулы грант негізінде ұсынылады. Бұл грант жоғары білімі бар тұлғаларға, сондай-ақ республикалық немесе жергілікті бюджет қаражаты есебінен "бакалавр" дәрежесін алу үшін мемлекеттік білім беру гранты тағайындалған тұлғаларға екінші жоғары білім алуға және онлайн-оқуға берілмейді.
ЖОО тізімі, грант саны және іске асыру жоспары бойынша толық мағлұматпен "Қазақстан халқына" ҚҚ ресми сайтында (qazaqstanhalqyna.kz) таныса аласыздар.
![](/assets/thumbnails/0d/0da80062aa37f00e19fc9c7199c94d81.jpg ""Әйелімнің қадірін түсіне бастадым": қартайған әкесінің жағдайына алаңдаған азамат ойын бөлісті")
