Ауылдық денсаулық сақтау: 646 жаңа бастапқы медицина нысаны салынды

0
112

Жобаны іске асыру 1 млн-ға жуық ауыл тұрғындарын медициналық-санитариялық алғашқы көмекпен қосымша қамтуды қамтамасыз етеді.


Ауылдық денсаулық сақтау: 646 жаңа бастапқы медицина нысаны салынды

ERNUR.KZ. Мемлекет басшысының тапсырмасы бойынша іске асырылып жатқан «Ауылдық денсаулық сақтауды жаңғырту» ұлттық жобасы аяқталуға жақын, деп хабарлайды ҚР Денсаулық сақтау министрлігі.

Жоспарланған 655 медициналық-санитариялық алғашқы көмек нысандарының ішінен 646 нысан салынды:

  • 99 – 2023 жылы;
  • 361 – 2024 жылы;
  • 186 – 2025 жылы.

Жобаны іске асыру 1 млн-ға жуық ауыл тұрғындарын медициналық-санитариялық алғашқы көмекпен қосымша қамтуды қамтамасыз етеді.

Сонымен қатар, 32 аудандық аурухана көп бейінді аудандық орталық ауруханалар деңгейіне дейін жаңғыртылуда. Бүгінгі таңда құрылыс-монтаж жұмыстары 10 нысан бойынша аяқталды, жобаның толық аяқталуы 2026 жылға жоспарланған.

Күтілетін әсер:

  • инсульт пен инфаркт кезінде «алтын сағатқа» көмек көрсету;
  • жүрек-қан тамырлары ауруларынан болатын өлімнің 20%-ға төмендеуі;
  • 4 миллионнан астам ауыл тұрғындары үшін жоғары технологиялық көмекке қол жеткізу.