Алматы тауларында жасөспірім үш күннен бері іздестіріліп жатыр

0
121

6 шілдеде сағат 11:46-да полиция қызметкерінен А. есімді азаматтың інісі - 2007 жылы туған А.Н. 2 шілдеде тауға шығып, үйге оралмағаны туралы хабар түскен.


Алматы тауларында жасөспірім үш күннен бері іздестіріліп жатыр

Фото: tengrinews.kz.

ERNUR.KZ. Алматыда үш күннен бері 2007 жылы туған жасөспірім іздестіріліп жатыр, деп жазады tengrinews.kz.

ТЖД мәліметінше, 6 шілдеде сағат 11:46-да полиция қызметкерінен А. есімді азаматтың інісі - 2007 жылы туған А.Н. 2 шілдеде тауға шығып, үйге оралмағаны туралы хабар түскен.

Хабарлама түскен сәттен бастап, авиация, 109 Құтқару қызметі, ТЖМ Республикалық жедел-құтқару жасағы, қалалық Төтенше жағдайлар департаменті, Шекара қызметі мен полиция департаментінің 44 қызметкері мен құтқарушысы, 8 техника, 4 кинологиялық есеп, 3 дрон және еріктілер жұмылдырылғаны айтылды.

"Іздестіру жұмыстары Алматы қаласы ТЖД-ның "Аюсай" визит-орталығындағы жедел штабтан жүргізіліп жатыр. Оқиға орнында із-түссіз кеткен баланың 10 туысы да бар", - делінген хабарламада.

Іздеу үш бағытта жүргізіліп жатқаны айтылды:

  • Космостанциядан Үлкен Алматы көліне дейінгі бағыт, жоталарды шолу;
  • Алмаарасан және Аюсай бағытындағы беткейлерді тексеру;
  • Космостанциядан шекара бекетіне дейінгі сол және оң жақ беткейлерді шолу.