"Қалаға бірінші қажеттіліктегі тауарларды, азық-түлік, дәрі-дәрмектер мен медициналық өнімдерді, қорғаныс және гигиена құралдарын әкелу үшін "жасыл дәліз" орнатылады".
ERNUR.KZ. Алматы кіреберісінде 27 блок-бекет қойылады. Бұл туралы қала әкімі Бақытжан Сағынтаев мәлімдеді, деп жазады Tengrinews.kz.
Сағынтаев коронавирус пандемиясына байланысты Алматыда 19 наурыз сағат 00:00-ден бастап карантин жарияланғанын мәлімдеді.
"Блокпосттарда патрульдік полиция полкінің, СОБРдың, "Гранит" полкінің, Қорғаныс министрлігі мен ұлттық ұлан бөлімшелерінің күштері жұмылдырылады. Сонымен қатар, қалаға бірінші қажеттіліктегі тауарларды, азық-түлік, дәрі-дәрмектер мен медициналық өнімдерді, қорғаныс және гигиена құралдарын әкелу үшін "жасыл дәліз" орнатылады", - деп мәлімдеді Сағынтаев.
Еске салайық, бүгін Нұр-Сұлтан мен Алматыда карантин жарияланды. Елімізде коронавирус жұқтырғандардың саны 32-ге жетті, 15 адам Алматыда, 17 адам Нұр-Сұлтан қаласында.
![](/assets/thumbnails/61/6163384d809cee44665716b6aa33353b.png ""Көрші палатадағы әйелді көргенде қатты ұялдым": жас ана асылық айтқанына өкінеді")
![](/assets/thumbnails/55/551af06b9523c9e2338581a5ffc49336.jpeg ""Енді ешкімнен сүйінші сұрамайтын болдым": өз ісіне өкінген әйел қателік жасағанын айтты")
