Беліне дейін батпаққа батқан жеткіншекті ересектер құтқарып қалған.
Фото: Видеодан скриншот/aqtau_life
ERNUR.KZ. Әлеуметтік желілерде тараған бейнежазбада бастауыш сынып жасындағы баланың құм мен лай аралас батпаққа белуардан батқаны анық көрінеді, деп жазады inbusiness.kz.
Оқиға 4А шағын ауданындағы жағалауда болған. Батпақтан шыға алмаған баланы алғашында әйел адам құтқаруға тырысқан. Кейін көмекке ер адам келіп, олар баланы қауіпсіз жерге алып шығады.
Осы оқиға байланысты қала тұрғындары жағалаудың ластығына, соның салдарынан батпақ пайда болғанын айтып, әлеуметтік желілерде алаңдаушылық білдіріп жатыр.
Ақтау қаласы әкімдігінің мәліметінше, оқиға 2 маусым күні 4А шағын ауданындағы "Бриз" яхта клубы аумағында болған.
– Бұл жағалау аумағы сенімгерлік басқаруға берілген және оған қызмет көрсету мен пайдалану жұмысын "Mangystau Project" ЖШС жүзеге асырады. Қазіргі уақытта жауапты ұйымдарға аталған аумақта қауіпсіздікті қамтамасыз ету, сондай-ақ қалпына келтіру және алдын алу жұмысын жүргізу тапсырылды. Жағдай жергілікті атқарушы органдардың бақылауында, – дейді Ақтау қаласы әкімдігінің баспасөз қызметі.
![](/assets/thumbnails/0c/0ca9538cb2155a8649448aa762f2b0a8.jpg ""Өзіңді өзің кездесуге шақыр" техникасы")
