Түркияда әскери ұшақ апатқа ұшырап, ұшқыш қаза тапты

25.02.2026 10:30

108

Түркияның Әділет және Ішкі істер министрліктері де қаза тапқан ұшқыштың отбасына көңіл айтып, оқиға бойынша тергеу басталғанын мәлімдеді.

Фото: Miraç Kaya/AA

ERNUR.KZ. Түркияның Балыкесир қаласында 9-шы негізгі реактивті әуе базасына тиесілі F-16 Fighting Falcon жойғыш ұшағы жауынгерлік ұшу кезінде апатқа ұшырап, бір ұшқыш қаза тапты. Бұл туралы Балыкесир губернаторы Исмаил Устаоглу мәлімдеді, деп жазады inbusiness.kz.

Ұшақпен радиобайланыс түнгі сағат 00:56-да үзілген. Іздеу-құтқару жұмыстары барысында әуе кемесінің құлағаны және сынықтарының табылғаны анықталды. Апат Измир – Стамбул тас жолының Наипли учаскесі маңында болған, жол қозғалысы уақытша тоқтатылды.

Түркия Ұлттық Қорғаныс министрлігі апаттың себебі арнайы комиссия жүргізетін техникалық тергеуден кейін белгілі болатынын хабарлады.