​Эльбрус тауында екі альпинист көз жұмды

0
96


Фото: Kazinform

ERNUR.KZ. Эльбрус тауында екі альпинист көз жұмды. Құтқарушылар тағы 4 адамды іздестіріп жатыр, деп жазады kaz.inform.kz.


Ресей Төтенше жағдайлар министрлігінің мәліметінше, Эльбрус тауының 5,1 мың метр биіктіктегі асуында 7 альпинист төменге қарай түсе алмай, көмек сұраған. Оқиға орнына Эльбрус биік таулы іздеу-құтқару жасағының қызметкерлері аттанды.

Кейін жедел қызмет өкілдері альпинистердің бірі таудан түсіп, болған жағдайды айтып бергенін хабарлады. Оның сөзінше, тау басында екі альпинистің жағдайы нашарлап, көз жұмған.

Кабардин-Балқарияның тергеу комитеті екі альпинистің қаза болғанын растады. Жедел қызметтердің мәліметінше, олар — шетел азаматтары.

Қазір құтқарушылар тағы 4 альпинисті іздестіру жұмыстарын жалғастырып жатыр.

Төтенше жағдайлар министрлігі Кабардин-Балқарияның туристік бағыттарында жалпы саны 1077 адамнан тұратын 130 туристік топ тіркелгенін атап өтті.