Раманың айтуынша, мемлекеттік тендерлер бойынша шешімдер кезең-кезеңімен министрліктерден Diella-ның құзырына беріледі.
Фото: Regnum
ERNUR.KZ. Албанияда мемлекеттік сатып алуларды қадағалайтын жасанды интеллект-министр қызметке кірісті. Ол Diella деп аталады (албан тілінде «күн» деген мағынаны білдіреді). Бұл туралы елдің премьер-министрі Эди Рама мәлім етті, деп жазады inform.kz.
Раманың айтуынша, мемлекеттік тендерлер бойынша шешімдер кезең-кезеңімен министрліктерден Diella-ның құзырына беріледі.
«Нәтижесінде Албания мемлекеттік тендерлері 100% сыбайлас жемқорлықтан арылған елге айналады. Барлық мемлекеттік қаражат ашық әрі толықтай бақылауда болады. Бұл — ғылыми фантастика емес», — деді премьер.
Жасанды интеллект Diella-ны албан халқы жақсы таниды. Ол қазірдің өзінде ұлттық электронды мемлекеттік қызметтер жүйесі — e-Albania-ны басқарып отыр.
Жасанды интеллекттің аватарында дәстүрлі албан киіміндегі жас қыз бейнеленген.
Айта кетейік, Албанияның бұрынғы президенті сыбайлас жемқорлыққа қатысы бар деген күдікпен қамауға алынғанын жазғанбыз.
![](/assets/thumbnails/96/962e8a00812d4d8ca897845e7875461d.jpg ""Төркіндеп баратын қыздарға қызығам": жас келіншек өмірден өткен ата-анасына деген сағынышын жеткізді")
![](/assets/thumbnails/16/16cea9218496796eb5b6224e8d1c1f6e.jpg ""Қайынжұртымда ұят жоқ екен" - жігіт ағасы әйелінің бауырларына несие әперетінін айтып ашуланды")
