Елена Рыбакина Монреаль турнирінің ширек финалына шықты

0
322

Қазақстанның бірінші ракеткасы Ястремскаяны жеңіп, келесі кезеңге өтті.


Елена Рыбакина Монреаль турнирінің ширек финалына шықты

Фото: ktf.kz

ERNUR.KZ. Қазақстандық теннисші Елена Рыбакина Канаданың Монреаль қаласында өтіп жатқан WTA 1000 сериясындағы беделді турнирдің ширек финалына жолдама алды, деп жазады Azattyq Rýhy.

Төртінші айналымда Рыбакина Украина спортшысы Даяна Ястремскаямен кездесіп, қатайған ойында жеңіске жетті.

Әлемдік рейтингте 4-орында тұрған Рыбакина матчтың алғашқы сетінде 5:7 есебімен ұтылып қалды, алайда келесі екі сетте басым түсіп, ойын тағдырын өзгерте алды – 6:2, 7:5.

Ойын ұзақтығы – 2 сағат 33 минут.

Матч статистикасы:

  • 7 эйс (тура соққы);
  • 9 қос қателік;
  • 5 брейк-пойнт (9 мүмкіндіктен).
«Бұл – мен үшін өте маңызды жеңіс. Даяна өте жақсы ойнады, қарсыласу қиын болды. Бірақ жеңгеніме қуаныштымын. Келесі матчты асыға күтіп отырмын», – деді Елена матчтан кейін.

Ширек финалда Елена Рыбакина тағы бір украиналық теннисші – Марта Костюкпен кортқа шығады.