Данияр Елеусінов АҚШ-тағы жекпе-жекте нокаутпен жеңіске жетті

ERNUR.KZ. Қазақ боксшысы Данияр Елеусінов (12-0, 7 KO) АҚШ-тың Вашингтон қаласында өткен кәсіпқой бокс кешінде өнер көрсетті, деп жазады Skifnews.kz

Елеусінов филиппиндік Джеймс Бэконмен (26-5, 17 KO) жұдырықтасты. Жекпе-жек жартылай орта салмақта өтті және сегіз раундқа жоспарланған болатын. Алайда ол толығымен өтпеді: қазақстандық боксшы екінші раундта техникалық нокаутпен жеңіске жетті.

Осылайша, Данияр Елеусінов кәсіпқой рингтегі он үшінші жеңісіне қол жеткізді, ал Джеймс Бэкон үшін бұл алтыншы жеңіліс болды.