Фото: Ақорда
ERNUR.KZ. Қазақстан президенті Қасым-Жомарт Тоқаев Татарстан раисы Рустам Миннихановты Республика күнімен құттықтады, деп жазады Sputnik Қазақстан.
"Сізді және бауырлас Татарстан халқын Республика күнімен шын жүректен құттықтаймын! Татарстан Ресей Федерациясының ең табысты, қарқынды дамып келе жатқан аймағы саналады. Сіздің беделді басшылығыңызбен Татарстан өзінің өндірістік, ғылыми-техникалық және экономикалық әлеуетін арттырып, Ресейдің тұрақты өсуіне үлкен үлес қосып отыр", - деп жазылған құттықтауда.
Тоқаевтың пікірінше Қазақстан мен Татарстан арасындағы белсенді байланыс стратегиялық серіктестік пен одақтастық рухында елдердің Ресеймен екіжақты қарым-қатынасын тереңдетуде маңызды рөл атқара бермек.
"Құрметті Рустам Нұрғалиұлы, Сізге зор денсаулық және жаңа табыс, ал Татарстан халқына бейбітшілік пен гүлдену тілеймін", - деп түйіндеді мемлекет басшысы.
![](/assets/thumbnails/a2/a23553401aed014aa4ac22cb850d79c6.jpg ""Абысыныммен тату болғаным оған ұнамайды": жас келін енесінің қылығын түсіне алмай жүргенін айтты")
![](/assets/thumbnails/59/59e010c387133d5bba75a154fe770c1a.jpg ""10 жылда 88 келі қостым": Рамазан Амантай артық салмақпен күресуді бастады")
