Микроавтобус мінген алматылық қоршауды соғып, қашып кетті

ERNUR.KZ. Алматылық Ford Transit микроавтобусымен қоршауды соғып, жол-көлік оқиғасы болған жерден қашып кетті , деп жазады Tengrinews.kz.

Жол-көлік оқиғасы Әуезов ауданындағы Достық шағынауданында болған. Ер адам жер үйдің темір қоршауын соққан. Жүргізуші бірден көліктен түсіп, қашып кеткен.

Алматыдағы Полиция департаменті Тергеу басқармасының бастығы Олжас Шәріпов жол апатынан ешкім зардап шекпегенін айтты.

"Жүргізуші оқиға орнынан жаяу қашып кеткен. Іздеу бөлімі оның кім және қайда екенін анықтап жатыр. Жүргізуші анықталған соң жауапқа тартылады", - деді Шәріпов.

Полициядағылардың айтуынша, микроавтобус ұрланған болуы мүмкін екені де тексеріліп жатыр.