Әйелдің күйеуі мен 7 жастағы қызы болған.
Фото: Gerçek Fethiye
ERNUR.KZ. Түркияда Қазақстан азаматы жұмбақ жағдайда қаза тапты. 43 жастағы әйелдің денесі Анталия қаласындағы үйінен табылған, деп жазады ulysmedia.kz.
Түркия бұқаралық ақпарат құралдарының жазуынша, 43 жастағы Қазақстан азаматы Дәрия Өзтүріктің денесі Анталияның Коньяалты ауданындағы үйінен күйеуі тауып алған.
«Мәйітті қараған дәрігер күдіктенген соң, оқиға орнына тергеу тобы мен прокурор барған», – деп жазды жергілікті «Antalya bugün» басылымы.
Оқиға орнындағы тексеруден кейін әйелдің денесі Анталиядағы сот-медицина институтына жіберілген. Сол жерде өлімнің неден болғанын нақты анықтайды.
Әйелдің күйеуі мен 7 жастағы қызы болған.
