Құжатта үй жануары туралы негізгі мәліметтер көрсетіледі.
Фото: ЖИ
ERNUR.KZ. Енді үй жануарларының төлқұжаты eGov Mobile қосымшасында қолжетімді болды. Тиісті ақпарат eGov.kz Азаматтарға арналған үкіметтің әлеуметтік желісінде пайда болды, деп жазады inbusiness.kz.
"eGov Mobile қосымшасы арқылы үй жануарыңыздың цифрлық төлқұжатын бірнеше секундта қарап, қажет болған жағдайда көрсете аласыз. Құжатта үй жануары туралы негізгі мәліметтер, вакцинациясы және басқа да маңызды ақпарат көрсетіледі", – делінген хабарламада.
Цифрлық құжатты көру үшін eGov Mobile қосымшасындағы "Цифрлық құжаттар" бөліміне өтіп, "Басқа құжаттар" санатынан "Үй жануарларының төлқұжатын" таңдау қажет.
