Бұған дейін интернетте Астанада Есірткі қылмысы комитетінің төрағасы Данияр Мейірханға қарсы қылмыстық іс қозғалғаны туралы хабарлама пайда болды.
Фото: ҚР ІІМ
ERNUR.KZ. ҚР Ішкі істер министрінің орынбасары Санжар Әділов ҚР ІІМ Есірткі қылмысына қарсы іс-қимыл комитеті төрағасы Данияр Мейірханға қатысты сталкинг бойынша қылмыстық істің тоқтатылғанын хабарлады, деп жазады inform.kz.
- Қазіргі кезде Данияр Мейірханға қатысты 115-баптың 1-бөлімі бойынша сталкинг жөніндегі қылмыстық іс тергелген еді. Атап айтқанда, қылмыстық іс бойынша тергеу тоқтатылды, - деді Санжар Әділов Парламент Мәжілісінде тілшілер сұрағына жауап бере отырып.
Оның сөзіне қарағанда, дегенмен қазір сотта Данияр Мейірханға қарсы жеке айыптау негізіндегі материалдар қаралып жатыр.
Бұған дейін интернетте Астанада Есірткі қылмысы комитетінің төрағасы Данияр Мейірханға қарсы қылмыстық іс қозғалғаны туралы хабарлама пайда болды.
Данияр Мейірханға қызметтік өкілеттігін асыра пайдалану және қызметкерді қудалау бойынша күдік келтірілгені хабарланған. Оған қарсы 20 бағынышты қызметкер де ұжымдық шағым түсірген.
Кейіннен ҚР Ішкі істер министрінің орынбасары Санжар Әділов Есірткі қылмысы комитетінің төрағасы Данияр Мейірханға қарсы қылмыстық іс қозғалғаны жөніндегі ақпаратқа қатысты мәлімдеме жасады.
