Бауыржан Момышұлының 115 жылдығы құрметіне мемориалдық тақта ашылды

29.12.2025 14:13

Батырдың туған жерінде еске алу шарасы өтті.

ERNUR.KZ. Жамбыл облысы Жуалы ауданының Бауыржан Момышұлы ауылында салтанатты іс-шара өтті, деп жазады

Даңқты қолбасшы, Кеңес Одағының батыры, Халық қаһарманы 115 жылдығына арналған жиында қорғаныс министрі Дәурен Қосанов мемориалдық тақтаны ашты.

"Қазақстандықтар ержүрек жауынгерлер мен Бауыржан Момышұлының ерлігін ұмытпайды. Оған Халық қаһарманы атағының берілуі – халықтың батырдың ерлігіне деген зор құрметінің айқын көрінісі", - деді Қосанов.

Естеріңізге сала кетсек, 2025 жылдың 25 желтоқсанында Ұлы Отан соғысындағы көрсеткен ерлігі мен батылдығы үшін Қазақстан Республикасының президенті Қасым-Жомарт Тоқаевтың жарлығымен Бауыржан Момышұлына (қайтыс болғаннан кейін) Халық қаһарманы атағы беріліп, ерекше айырым белгісі – Алтын Жұлдыз бен "Отан" ордені тапсырылды.