Бали жағалауында суға батқан паром ішінде қазақстандықтар болмаған

ERNUR.KZ. Сыртқы істер министрлігі Бали маңында болған жолаушылар паромының апатына қатысты түсінік берді, деп жазады inbusiness.kz.

"Алдын ала ақпарат бойынша, қаза тапқандар мен зардап шеккендер арасында Қазақстан азаматтары жоқ", – делінген хабарламада.

Бұған дейін Бали жағалауында адамдар мінген паром суға кеткенін жазғанбыз. Паромда барлығы 53 жолаушы және 12 экипаж мүшесі болған. Олардың ішінде 4 адам қаза тапты, ал 23-і құтқарылды. Тағы 38 адам хабар-ошарсыз кетті.