Белгісіз әйел II топтағы ерекше қажеттілігі бар әйелдің үйіне басып кіріп, оған сірке қышқылын шашқан.
Фото: freepik.com
ERNUR.KZ. Атырау облысында белгісіз әйел II топтағы ерекше қажеттілігі бар зейнеткерге сірке қышқылын шашып, алтын бұйымдарын ұрлап кеткен, деп жазады stan.kz.
Оқиға Жылыой ауданы, Қошқақыл ауылында болған. Белгісіз әйел II топтағы ерекше қажеттілігі бар әйелдің үйіне басып кіріп, оған сірке қышқылын шашқан. Содан кейін үйден алтын бұйымдарын алып, ізін жасырған.
Химиялық күйіктен зардап шеккен әйелдің көру қабілеті біршама төмендеген. Туыстарының айтуынша, ауыр жағдайына қарамастан әйелді тек қарап, үйіне жіберген.
Қазір полиция шабуылдаушының жеке басын анықтап, қылмыстың мән-жайын тергеп жатыр. Зардап шеккеннің туыстары істі ауыр денсаулыққа зиян келтірген тонау ретінде қарастыруды талап етуде.
