Алматы-Қонаев тасжолында ірі жол апаты болып, бірнеше адам зардап шекті

0
185

Жол апаты болған жерден түсірілген видео әлеуметтік желілерде жарияланды.


Алматы-Қонаев тасжолында ірі жол апаты болып, бірнеше адам зардап шекті

фото: видеодан скрин

ERNUR.KZ. Алматы – Қонаев тасжолында ірі жол-көлік оқиғасы болды, деп жазады tengrinews.kz.

Жол апаты болған жерден түсірілген видео әлеуметтік желілерде жарияланды. Кадрлардан қатты зақымданған көліктерді көруге болады.

Алматы облыстық Полиция департаменті мәліметінше, үш автокөлік соқтығысқан жол апаты 5 маусымда сағат 22:50-де Алматы – Өскемен тасжолының 47-шақырымында болған.

"Алдын ала мәлімет бойынша, Toyota Camry маркалы көліктің жүргізушісі алда келе жатқан дәл сондай маркалы көлікпен соқтығысқан. Соқтығыстан кейін екі көлік те тізгінге ие бола алмай, жолдың қоршауына соғылған, кейін Toyota Land Cruiser автокөлігімен соқтығысқан", – деп хабарлады полиция.

Жол апаты салдарынан бірнеше адам түрлі дене жарақатын алған, олардың қатарында жол талғамайтын көліктің жүргізушісі мен екі кәмелетке толмаған жолаушы бар.

"Медициналық көмек көрсетілгеннен кейін барлық адам үйлеріне жіберілді", – деді ведомство.

Қазіргі уақытта жол апатына байланысты тексеру жүргізіліп, барлық мән-жай анықталып жатыр.