Моральдық шығын ретінде 20 миллион теңге өндіруді, сондай-ақ 1, 7 миллион теңге адвокат шығынын өтеуге үкім етті.
Ulysmedia.kz коллажы
ERNUR.KZ. Талдықорғанда әйелі Айзат Жұманованы өлтірді деген күдікке ілінген Айбар Жанболатқа қатысты сот үкімі шықты, деп жазады ulysmedia.kz.
Сот үкімі бойынша Айбар Жанболат 14 жылға сотталды.
Сот жәбірленушінің өтініш-талабын ішінара қанағаттандырды. Моральдық шығын ретінде 20 миллион теңге өндіруді, сондай-ақ 1, 7 миллион теңге адвокат шығынын өтеуге үкім етті.
Жәбірленуші 100 миллион теңге моральдық ретінде шығын талап еткен.
32 жастағы Жетісу облысының тұрғыны Айзат Жұманованы күйеуі ұрып өлтіргені жөнінде биыл маусымда белгілі болған. Сол уақытта марқұмды күйеуі атқа сүйреп өлтірді деген ақпарат тараған. Оқиға Баласаз ауылында болған.
Бастапқыда іс қылмыстық кодекстің 106-бабы бойынша қозғалған. Кейіннен жәбірленуші тараптың шағымынан кейін іс 99-баптың 1-бөлігіне қайта сараланған. Бірақ адвокат Арман Шәріпов іс 99-баптың 2-бөлігімен саралануы тиіс деп есептейді
![](/assets/thumbnails/fd/fd2a29451e4f3a4805a58e0215fe1378.jpg ""Қаралы үйде бергенді жеп, құйғанды ішу керек": оқырман жаназада жағымсыз жайтқа куә болғанын айтты")
