​Тауық еті мен макароннан дәмді тағам

Қажетті қоспалар:

• 200 гр. макарон
• 250 гр. тартылған тауық еті
• 2 дана пияз
• 4 тіс сарымсақ
• 1 дана жұмыртқа
• 2 шай қасық томат тұздығы
• 3 ас қасық өсімдік майы
• Дәміне қарай тұз, бұрыш
• 1-2 тал аскөк

Дайындалу тәсілі:

1. Пияз бен сарымсақты аршып, бір-бір данасын үккіштен өткізу керек. Сосын тартылған тауық етімен араластырасыз. Дәміне қарай тұз, бұрыш қосып, жұмыртқаның сары уызын салып, жақсылап араластырып аласыз.
2. Дайын фарштан фрикаделькилер жасайсыз.
3. Табаға өсімдік майын құйып қыздырып, фрикаделькилерді салып, 7 минуттай қуырыңыз.
4. Ет қуырылып жатқанда қазанға су құйып, макаронды қайната беруге болады. Табадағы фрикаделькилер күйіп кетпес үшін екінші бетін аударып, тағы да 4-5 минуттай қуырасыз.
5. Қалған бір дана пияз бен сарымсақты турап, фрикаделькилер қуырылған майға салып қуырыңыз. Сосын томат тұздығын қосып, 3 ас қасық су құйып, араластырып, 1 минуттай бұқтырыңыз.
6. Піскен макарондарды дуршлагқа салып, кейіннен табадағы бұқтырылған тұздыққа салып араластыру керек. Содан соң фрикаделькилерді салып, барлығын араластырып, жай отта 1-2 минуттай бұқтырып аласыз. Дайын тағамның бетіне туралған ақжелкенді себелеп, дастарханға тарта беруге болады.

ТАҒЫ ДА ОҚЫҢЫЗ:

ДӘМДІ МӘЗІР: Фарш қосылған "бөлке нан"