Іш киім дүкенінің ашылу салтанаты түсірілген видео қоғамда дау тудырды.
фото: Видеодан скрин
ERNUR.KZ. Түркияның Чорум провинциясындағы Аладжа ауданында ерекше дүкеннің ашылу рәсімі өтті. Шақырылған дін қызметкері дұға оқығаннан кейін қонақтар лентаны қиды, деп жазады stan.kz.
Іш киім дүкенінің ашылу салтанаты түсірілген видео қоғамда дау тудырды. Консервативті бағыттағы Yeni Akit газеті эротикалық іш киім дүкенінің ашылуына шенеуніктер мен дін қызметкерінің қатысуын сынға алды. Олар мұны масқаралыққа балайды.
Аладжа қаласының әкімі Шериф Арслан қоғамда талқыға түскен жағдайды түсіндіруге мәжбүр болды.
“Кәсіпкерлер дүкеннің ашылуына жергілікті билік өкілдерін шақырды. Ал біз бизнесті қолдау үшін ғана келдік. Іш киімді бәрі бірдей кимей ме?" – деп таңғалды әкім.
Дін қызметкерінің зейнеткер екені белгілі болды. Шериф Арслан оның салтанатты рәсім кезінде "тым әсірелеп жібергенін" мойындады.
Бұған дейін Дильназ Ахмадиеваның мұғалім кейпіндегі жаңа бейнебаяны сынға қалған еді. Әнші мен “Азия” тобы “Milfa” атты жаңа әнін көпке ұсынды. Желіде тараған бейнебаян үзінділерінде әнші кеудесі мен саны ашық киіммен қазақ тілі пәнінің мұғалімін сомдайды. Ал топ мүшелері мектеп оқушыларының рөлінде көрінеді.
![](/assets/thumbnails/29/29a293b2640710f53192e96c1deb4bc9.jpg ""Қазгидромет" елдің барлық өңірінде аяз болатынын ескертті")
