Фото: Pixabay.com
Ирандағы құқық қорғаушылардың айтуынша, билік жаһандық интернеттен біржолата ажыратылып, тек тексерістен өткендердің қосылуына мүмкіндік беруді жоспарлап отыр, деп жазады Stan.kz.
Filterwatch ұйымының есебіне сәйкес, Ислам Республикасы дәстүрлі жаппай интернет цензурасынан бас тартып, жаңа, әлдеқайда қауіпті стратегияны таңдады. Енді олар халқын интернет әлемінен оқшауламақ.
"Мемлекеттік БАҚ және үкімет шенеуніктері бұл өзгерістің тұрақты екенін анық айтып, 2026 жылдан кейін де интернет қайта оралмайтынын ескертті", – деп жазады белсенділер.
Расталмаған жоспарға сәйкес, қауіпсіздік рұқсаты бар немесе үкіметтің тексеруінен өткен ирандықтарға жаһандық интернеттің сұрыпталған нұсқасына қол жеткізу мүмкіндігі беріледі. Басқа ирандық азаматтарына тек ұлттық интернетке қол жеткізуге рұқсат етіледі, бұл әлемнің қалған бөлігінен оқшауланған ішкі, параллель интернет.
