Рейтингті британдық танымал The Guardian газеті жасаған.
Фото: ҚФФ
ERNUR.KZ. Жылдың ең үздік жас футболшылар тізімінде қазақстандық ойыншы да ойып тұрын орын алған, деп жазады inbusiness.kz.
Осылайша, "Қайрат" футбол клубының түлегі әрі Қазақстан ұлттық құрамасының шабуылшысы Дастан Сәтпаев әлемдегі ең жас үздік футболшылардың сапынан табылды. Ол – қазақ футболшыларының арасынан бұл тізімге ілінген жалғыз әрі тұңғыш ойыншы.
Айта кетейік, жер-жаһанның үздіктері қатарын танымал клубтардың жас таланттары да толтырып отыр.
Олардың арасында "Барселона" сапынан вингер Тони Фернандес пен жартылай қорғаушы Нико Гильен бар. Сондай-ақ, "Боруссия Дортмундтан" италиялық шабуылшы Самуэль Инасио және "Баварияның" жартылай қорғаушысы Карл Леннарт та төбе көрсетеді. Ал "Пари Сен-Жерменнің" жас форварды Ибрагима Мбайе де үздіктер қатарынан көрінген.
Дастан Сәтпаев – Лондонның "Челси" клубына шақырту алған футболшы. Ол 18 жасқа толса бірден сол командаға ауысады.
![](/assets/thumbnails/9d/9d058364dc9a570317cdc52141710e46.jpg ""Көршім енеме қарсы айдап салды": жас келін енесінің көңілін қалай табарын білмей жүр")
![](/assets/thumbnails/df/dfd8974e3ca7c53480e497aa532fb523.jpg ""Берген уәделерінің 90 пайызын орындамады": он алты жасында тұрмысқа шыққан келіншек қиындығын бөлісті")
