Мерекелік кеш соңы мерекелік отшашуға ұласты.
ERNUR.KZ. Шаһардағы Астана алаңында жаңа жыл мерекесіне арналған «Төрлет, Жаңа жыл!» атты мерекелік гала-концерт өтті. Қала тұрғындары мен қонақтары танымал өнер жұлдыздары қатысқан мерекелік концертті тамашалады.
Іс-шараның мақсаты – көпшілікке көңілді атмосфера мен жарқын мерекелік көңіл күй сыйлау. Мерекелік бағдарламада театрландырылған музыкалық қойылымдар көрсетілді.
Гала-концерт заманауи сахналық безендірумен, әсерлі жарық шоуымен және жаңа жылдық атмосферамен ерекшеленді.
Мерекелік кешке «DEJAVU» LIVE BAND, Әділет Жауғашар, Астана Қарғабай, Нематилло Зкруллаев секілді эстрада жұлдыздары қатысып, әсем әндерін тарту етті. Шымкенттіктер мен қала қонақтарын мерекемен құттықтап, ізгі тілектерін арнады.
Сондай-ақ, Шымкент қаласында алғаш рет өткен республикалық«Шымкент сазы» эстрадалық ән байқауының жүлдегерлері — Айдын Жұмабаев пен Ақерке Амалят көрермендерге өз өнерін ұсынды.
Жаңа жыл қарсаңында қала тұрғындары мен қонақтарына арналған іс-шара көпшілікке көтеріңкі көңіл-күй мен ұмытылмас әсер сыйлады.
Мерекелік кеш соңы мерекелік отшашуға ұласты.
![](/assets/thumbnails/2c/2c17898fbacfb385be337c556d2806b4.jpg ""Балалы болғалы үйден қашатынды шығарды": жас келіншек отбасының шырқы бұзылғанын айтты")
![](/assets/thumbnails/b3/b3c8f5711794053d1456f159b9a73fa4.jpg ""Үйіңде біреу күтіп отырса, сол бақыт екен": ажырасқан еркек әйелінің қадірін кеш түсінгенін айтты")
