Шымкентте перзентханада көз жұмған әйелдің өліміне қатысты қылмыстық іс қозғалды

ERNUR.KZ. Шымкенттегі перзентханада көз жұмған 28 жастағы әйелдің өліміне қатысты қылмыстық іс қозғалды, деп жазады Skifnews.kz.

Шымкент қалалық полиция департаментінің мәліметінше, тергеушілер қайғылы оқиғаның мән-жайын анықтауға бағытталған кешенді тергеу жүргізіп жатыр.

“Әйел көз жұмған медициналық мекемеде денсаулық сақтау министрлігінің медициналық және фармацевтикалық бақылау комитетінің департаменті тексеру жүргізіп жатыр. Тергеудің мүддесіне сәйкес басқа ақпарат жарияланбайды”, – делінген полиция хабарламасында.