Театр делегациясы бұл халықаралық шараға Шымкент қаласы әкімдігінің, Мәдениет, тілдерді дамыту және архивтер басқармасының қолдауымен және ҚР Алжирдегі Елшілігінің көмегі мен қолдауымен қатысуға мүмкіндік алды.
Алжирдің Адрар қаласында 1-7 желтоқсан аралығында өткен Халықаралық мәдени шөл театрының фестиваліне Шымкент жастар театры алғашқы рет қатысып, Гран-приді жеңіп алды.
Халықаралық фестивалі Алжирдің Мәдениет және өнер министрлігі мен Африка Сахара шөлінің қақ ортасында орналасқан Адрар аймағы әкімшілігінің қолдауымен өтті. 30 елден келген театр коллективтер өз туындыларын көрермендерге ұсынды, оны беделді халықаралық жюри бағалады.
Қазақ театр труппасы Сахара түнгі аспаны астында, Тамасахттың ежелгі бербер IV ғасырдағы цитаделі фонында жататын классикалық «Антигона» трагедиясының заманауи түпнұсқа қойылымымен өнер көрсетті. Жергілікті және шетелдік көрермендер біздің жас актерларымыздың талантты қойылымдары мен жігеріне, шеберлігі мен жарқын шығармашылығына тәнті болды. Фестиваль комиссары Шейх Окбауи қазақстандық театр ұжымына жанды қойылымдары үшін алғыс айтып, мәдени саладағы ынтымақтастық пен жаңа жобалар мен бағдарламаларды ілгерілетуге үміт білдірді.
Салтанатты рәсімде фестивальдің бас жүлдесін “Гран-при” Шымкент жастар театрына Алжирдің Мәдениет және өнер министрі Малика Мендоуда ханым табыс етті. Ол театр жұмысына жоғары баға беріп, біздің елімен ынтымақтастықты дамытуға мүдделілік танытты. Ол қазақстандық актерлердің жоғары деңгейде театрлық шеберлік танытып, бірегей халықаралық сахнада Қазақстанды тамаша танытқанын атап өтті.
Театр делегациясы бұл халықаралық шараға Шымкент қаласы әкімдігінің, Мәдениет, тілдерді дамыту және архивтер басқармасының қолдауымен және ҚР Алжирдегі Елшілігінің көмегі мен қолдауымен қатысуға мүмкіндік алды.
Жалпы, Қазақстанның алға қойған мәдени дипломатиясы еліміздің имиджін нығайтады, Алжир мен оның аймақтарында жемісті байланыстарды кеңейтуге мүмкіндік береді, әртүрлі салаларда бірлескен жобаларға бастамашылық етеді және екі ел халықтарының өзара гуманитарлық алмасуларын байытады.
