Желтоқсан айының алғашқы күндерінде оқу дабылы бойынша жауынгерлік дайындық өтеді.
© Sputnik / Санат Имангалиев
ERNUR.KZ. Қазақстанның Қарулы күштері оқу дабылы бойынша көтеріледі, деп жазады Sputnik Қазақстан.
Бүгін қорғаныс министрлігінің ресми хабарлама таратты.
"Жаңа оқу жылының басталуына орай желтоқсан айының алғашқы күндерінде Қарулы Күштердің барлық бөлімдері оқу дабылы бойынша жоғары деңгейдегі жауынгерлік дайындыққа келтіріледі", - дейді министрлік мамандары.
Осыдан кейін сарбаздар оқу полигондары мен оқу орталықтарына жоспарлы марштар жасайды. Ал жекелеген бөлімшелер кешенді жауынгерлік дайындық сабақтары өтетін орындарға әуе, теміржол және автокөлік көлігімен жеткізіледі.
"Аталған кезеңде қауіпсіздікті қамтамасыз ету мақсатында өңірлердегі жолдардың кейбір учаскелерінде көлік қозғалысын уақытша шектеу мүмкін екенін ескертеміз", - делінген ресми хабарламада.
Осыған байланысты министрлік тек ресми ақпарат көздеріне сеніп, тексерілмеген мәліметтерді таратпауға үндеді.
![](/assets/thumbnails/54/544a2414cb8220dba4a271dcabc1c1d1.jpg ""Бізге айтпай үйленіп алды": анасы қайтыс болған бойжеткен әкесінің әрекетіне өкпелі екенін айтты")
