“Үнді киносындағыдай“: қоршаудан қашып шыққан жылқы Қазнет жұлдызына айналды

ERNUR.KZ. Астанада жеке атқорадан қашып шықққан тұлпар желі жұлдызына айналды. Дегенмен, оның жоспары іске аспай қалған сияқты, деп жазады tengrinews.kz.

Калиф атты жылқы кесте бойынша серуендеуді қызықсыз көрсе керек, қоршаудан қашып шыққан.

Алайда жоспардың бір кемшілігі болды: аумақтың сыртқы қақпасы құлыпталған екен. Сондықтан еркіндік сүйгіш тұлпардың алысқа ұзауына мүмкіндік болмады - оның сырттағы серуені басталмай жатып аяқталды.

Қыз үй жануарының бұл қылығына әзілмен қарап, асау тұлпар мұндай мінезін бірінші рет көрсетіп отырмағанын атап өтті.

Калифтің қашқан сәті түсірілген видео желіде тез тарады. Желі қолданушылары жылқының қоршаудан шығу әрекетіне ғана емес, видеодағы оқиға қаншалықты күтпеген жерден болғанына да назар аударды.

Көпшілік бұл көріністі үнді киносы эпизодтарына ұқсатты.

Пікір қалдырушылар жануардың қашқаннан кейінгі жағдайы қалай екенін сұрап жатты. Ал басқаларын Калиф аумақтан шыға алды ма және мұндай "жорықты" жиі жасай ма деген мәселе қызықтырды.

"Ол жақсы өмірге лайық екенін түсінді", "Ең бастысы - жылқы аман болсын. Ал мінезі, әрине, от екен", "Әдемі қашамын деп, квесттің екінші деңгейін ұмытып кеткен кезде", "Тура үнді киносындағы кадр сияқты", - деп жазды желі қолданушылары.