Тоқаев Швейцариядағы Жаңа жыл түні өрттен болған 40 шақты адам өліміне байланысты көңіл айтты

Фото: Видеодан скриншот/Ақорда
ERNUR.KZ. Мемлекет басшысы Қасым-Жомарт Тоқаев Швейцария президентіне тау-шаңғы курортындағы қазаға байланысты көңіл айту жеделхатын жолдады, деп жазады Stan.kz.

Тоқаев Ги Пармеландқа көңіл білдірді.

"Қасым-Жомарт Тоқаев Швейцария конфедерациясының президенті Ги Пармеландқа Кранс-Монтана тау шаңғысы курортындағы өрттің көптеген адам қазасына байланысты көңіл айтты", – делінген мәлімдемеде.

Тоқаев қаза тапқандардың отбасылары мен жарақат алғандарға қолдау білдіріп, осы қиын кезеңде Швейцария халқымен бірге екенін білдірді.