Сәпиевке қатысты жанжал: Қарағанды облысының әкімдігі ресми мәлімдеме жасады

ERNUR.KZ. Қарағанды облысының әкімдігі Спорт басқармасының басшысы, Олимпиада чемпионы Серік Сәпиев пен оның орынбасары Дәурен Есімханов арасындағы төбелеске қатысты мәлімдеме жасады, деп жазады inbusiness.kz.

"Спорт басқармасына қатысты тараған ақпаратқа байланысты хабарлаймыз: басқарма қалыпты жұмыс режимінде қызмет атқарып жатыр. Оқиғаның барлық мән-жайы анықталуда, тергеу жұмысы жүргізіліп жатыр. Тергеу қорытындысы бойынша қолданыстағы заңнамаға сәйкес тиісті шаралар қабылданады", – делінген облыс әкімдігінің хабарламасында.