2025 жылы Ресейге қоныс аудару бағдарламасы аясында 26,7 мың отандас барған.
ЖИ / ulysmedia.kz
ERNUR.KZ. Ресейге қоныс аударатын қазақстандықтар саны күрт азайды, деп жазады ulysmedia.kz.
2025 жылы Ресейге қоныс аудару бағдарламасы аясында 26,7 мың отандас барған. Соның 35,5 пайызы — Қазақстан азаматтары. Бұл соңғы 15 жылдағы ең төмен көрсеткіш болып отыр. Ресейге көшуге деген қызығушылық тіпті 2022 жылмен (Украинадағы соғыс басталған кезең) салыстырғанда да төмен болған: ол кезде елге 64,8 мың адам кірген.
Сарапшылар мұндай күрт төмендеуді күрделі экономикалық және саяси жағдаймен түсіндіреді. Сонымен қатар орыс тілін білуге арналған тестілеуден өту деңгейі де өте төмен — 6 мың өтініштің небәрі 2,5 пайызы ғана мақұлданған. Бұған қоса, мигранттардың балаларының болашағына қатысты, әсіресе оқу орындарына қабылдану мәселесінде сенімсіздігі де көшуге кедергі болып отыр.
– Экономикалық жағдай да күрделі. Соңғы жылдары Ресейде өмір сүрудің өзі қиындап кетті, саяси ахуал да оңай емес, сыртқы саясат та тұрақсыз, – деді ТМД елдері институты директорының орынбасары Александра Докучаева Коммерсантъ басылымына берген сұқбатында.
