17 қыркүйек кешке Павлодар – Кенжекөл тасжолында қалаға кіреберісте UAZ Patriot, Audi 100, BMW және Lada Priora көліктері соқтығысқан.
Видеодан алынған кадр
ERNUR.KZ. Зардап шеккен үш адам жансақтау бөлімінде жатыр, деп жазады Ulysmedia.kz.
Толығырақ
17 қыркүйек кешке Павлодар – Кенжекөл тасжолында қалаға кіреберісте UAZ Patriot, Audi 100, BMW және Lada Priora көліктері соқтығысқан. Апат салдарынан бір адам қаза тауып, жеті адам жарақат алды. Полиция қылмыстық іс қозғады.
Зардап шеккендер туралы не белгілі
Жедел жәрдем шақыртуы сағат 22:05-те түскен. Оқиға орнына төрт жедел жәрдем бригадасы және Апаттар медицинасы орталығының бригадасы жіберілген. Дәрігерлер оқиға орнына алты минутта жеткен.
Медицина қызметкерлері оқиға орнында 48 жастағы ер адамның қайтыс болғанын анықтады.
2003-2006 жылдары туған алты жас адам (18-23 жас) №1 қалалық ауруханаға жеткізілді. 2006 жылы туған тағы бір зардап шегуші ауруханаға жатудан бас тартқан.
" Үш жарақат алған адам жансақтау бөлімінде, біреуі политравма және біреуі травматология бөлімдерінде жатыр. Бір адам амбулаториялық ем қабылдап жатыр. Барлығына медициналық көмек көрсетіліп, тексеру жүргізіліп жатыр ", — деп хабарлады денсаулық сақтау басқармасы.
Жол апатының мән-жайы мен себептері анықталып жатыр.
Контекст
Бұған дейін Павлодар маңындағы тасжолда тамыз айында тағы бір адам өлімімен аяқталған жол апаты болғанын жазған едік. Ол кезде бір қыз бала қаза тауып, тағы бес адам ауруханаға жеткізілген.
Облыстық жедел жәрдем қызметі басшысының орынбасары Ирина Мищенконың айтуынша, қала сыртындағы жолдарда болатын жол апаттарына көбіне асығыстық, қауіпті басып озу және жүргізушілердің шаршауы себеп болады.
